ഇന്നലെ വരെ
നീയെന്റെ നിഴലായിരുന്നു....
കോരിച്ചൊരിയും
മഴയില്‍ നീയെനിക്കൊരു കുടയായി
മഞ്ഞു പെയ്ത രാത്രിയില്‍
ചെമ്മരിയാടിന്റെ രോമംകൊണ്ടു നെയ്ത
കമ്പിളിപ്പുതപ്പുമായി നീ വന്നു...
എന്‍റെ ആത്മാവ്
തൂക്കിയിട്ട ആ പൂമരക്കൊമ്പിനു
ചുവട്ടിലിരുന്നാണ് നീ തീകാഞ്ഞത്
പണ്ടും ഞാനൊന്നും കൊതിച്ചിട്ടില്ല
വെറുതെ ഒരു സാമീപ്യം
അടുത്ത് എവിടെയോ ഉണ്ടെന്ന
ഒരു തോന്നല്‍
എന്നിട്ടും ഈ ഊഷരതയില്‍
നീ എന്നെ ഉപേക്ഷിച്ചല്ലോ....?
ഞാന്‍ ചാരമായ് മാറിയ
ഇവിടെയാണോ....നീ എന്നെ തിരയുന്നത്....?
