അഭയം

സ്വയം ജയിച്ചടക്കാൻ
കഴിയാതെ വന്നപ്പോൾ
ഞാൻ കഴുത്തിടുങ്ങിയ
കുപ്പിയിൽ അഭയം പ്രാപിച്ചു
നിന്റെ ഉടൽ പെരുപ്പം
വശ്യ മനോഹരം
ഒരു പിശാചിനെ പോലെ
ദ്രംഷ്ടങ്ങളാഴ്ത്തി
നിന്റെ സ്വപ്‌നങ്ങൾ നിറച്ച
രക്തപാനിയം വലിച്ചു കുടിച്ചു
ഞാനറിയാതെ നുരഞ്ഞു പൊന്തി
എന്നിൽ മറ്റൊരു പിശാച്
പിറവിയെടുത്തു
സുഹൃത്തേ
നിന്റെ കവിതകൾക്ക്
വരച്ച ചിത്രങ്ങൾക്ക്
നീ മീട്ടിയ വീണകൾക്ക്
പാടിയ പാട്ടുകൾക്ക്
മദ്യ ചഷകം ഒന്നുമായിരുന്നില്ലെന്ന
തിരിച്ചറിവുണ്ടാകുമ്പോഴേക്കും 
നിന്റെ സർഗ്ഗ സൃഷ്ടി മരിച്ചിരിക്കും  
07-02-2014