2010, ഡിസംബർ 31, വെള്ളിയാഴ്ച
ശരിയും തെറ്റും
ഇരുട്ടു പെയ്തിറങ്ങിയ രാത്രിയില്
ഭയം എന്നെ വീണ്ടും
ഭീരുവാക്കുന്നു....
പ്രണയത്തിനും
കാമത്തിനുമിടയില്
ഞാനൊരു ഭീരുവായിരുന്നു...
നിന്റെ ചാപല്യങ്ങളില്
സ്പര്ശിക്കാതിരുന്നത് തെറ്റ്
നിന്റെ ശീല്ക്കാരങ്ങളില്
നോക്കുകുത്തിയായതും തെറ്റ്
പിന്നീട് ഓര്ത്തപ്പോള്
അതായിരുന്നു ശരി
ചെറിയ ശരികള്ക്കിടയിലെ
വലിയ ശരി.....
ഒടുവില് വായിച്ചു തീരാത്ത
പുസ്തകത്തെ പോലെ
മറ്റൊരാള്ക്ക് കൊടുത്തപ്പോള്
നേടിയത്
ഒരു യുഗത്തിന്റെ പാതിവൃത്യമാണ്....
ചരിത്രം മാറ്റിയെഴുതിയ
ചരിത്രകാരനായി ശരിയും
മാറ്റിയെഴുതപ്പെട്ട
ചരിത്രമായി തെറ്റും
എന്നും നമുക്കിടയില്
ജല്പനങ്ങലായ് നില്ക്കുന്നു .....